Śledstva pa Płoščy zavieršana: «Pa sutnaści stavili kančatkovaj metaj dziaržaŭny pieravarot»
«Pavodle vysnovy śledstva, atrymany vyčarpalnyja dokazy ab sprobie źmieny Kanstytucyjnaha ładu Respubliki Biełaruś».
05.04.2011 / 20:33
Śledčym upraŭleńniem papiaredniaha rasśledavańnia HUUS Mienharvykankama zavieršana papiaredniaje rasśledavańnie kryminalnaj spravy,uzbudžanaj u dačynieńni da hramadzian Biełarusi — arhanizataraŭ i ŭdzielnikaŭ masavych biesparadkaŭ 19 śniežnia 2010 h., paviedamili ahienctvu
«Pavodle vysnovy śledstva, atrymany vyčarpalnyja dokazy ab sprobie źmieny Kanstytucyjnaha ładu Respubliki Biełaruś pa papiaredniaj zmovie z pradstaŭnikami zamiežnych dziaržaŭ i arhanizacyj, jakija pa sutnaści stavili kančatkovaj metaj ažyćciaŭleńnie dziaržaŭnaha pieravarotu. U chodzie rasśledavańnia kryminalnych spraŭ ŭstanoŭlenaja rola i stupień udziełu kožnaha fihuranta ŭ adbyŭšychsia padziejach», — adznačyli ŭ MUS.
U MUS zajavili, što z ulikam nakiravanych u zamiežnyja dziaržavy prośbaŭ ab akazańni pravavoj dapamohi, najaŭnyja materyjały ŭ adnosinach da zamiežnych arhanizacyj i hramadzian vydzieleny ŭ asobnuju vytvorčaść i rasśledavańnie ŭ pakazanym napramku budzie pradoŭžana, u tym liku ŭ adnosinach da asobaŭ, jakija chavajucca na terytoryi zamiežnych dziaržaŭ.