На Лукашэнку зноў льецца дождж нафтадаляраў. Чакаюцца рэкордныя аб'ёмы перапрацоўкі
«Заводы загружаны больш чым на 100%».
07.04.2011 / 19:11
Аб’ёмы перапрацоўкі нафты ў Беларусі ў 2011 годзе маюць дасягнуць рэкорду.
Урад Беларусі ставіць перад беларускімі нафтаперапрацоўчымі заводамі (НПЗ) задачу перапрацаваць ў 2011 годзе ўвесь аб’ём расейскай нафты ў рамках паліўнага балансу — 22,68 млн тон і 4 млн тон венесуэльскай нафты. Пра гэта заявіў у чацвер першы
«Сёння НПЗ загружаныя цалкам, на 100%, і нават больш. Цяпер кіраўніцтва „Белнафтахіма“ вырашае, як перапрацаваць тую нафту, якую мы павінны атрымаць з Расіі і Венесуэлы», — сказаў Сямашка.
Сямашка прызнаў, што ўмовы пастаўкі нафты з Расіі сёлета крайне выгадныя для Беларусі. Расійскі прэм’ер Пуцін называў лічбу выгады 4,3 мільярда даляраў на адной толькі нафце.
Беларусь магла б абысціся і без венесуэльскай сыравіны, прыбытак на перапрацоўцы якой складае ўсяго 6 даляраў за тону, але гэта вярнула б краіну да небяспечнай залежнасці ад аднаго экспарцёра. Наяўнасць венесуэльскай долі дае гарантыі мінімальнай энергетычнай бяспекі.
Затое перагрузка заводаў стварае небяспеку аварый. Абсталяванне, у тым ліку і зношанае, працуе на максімальнай загрузцы.