Dni kultury Šviecyi: kancerty, vystavy, čytańni, kino
+prahrama
Z 13 maja pa 11 červienia ŭ Minsku, Połacku, Pinsku i Breście projduć kulturnyja mierapryjemstvy.
12.05.2011 / 18:54
Z 13 maja pa 11 červienia Pasolstva Šviecyi pravodzić šerah mierapryjemstvaŭ u ramkach Dzion kultury Šviecyi ŭ Biełarusi'2011.
Kulturnyja mierapryjemstvy buduć prachodzić nie tolki ŭ Minsku, ale i ŭ inšych haradach Biełarusi — Połacku, Pinsku i Breście.
Prapanujem vašaj uvazie prahramu mierapryjemstvaŭ.
Solny kancert fołk-hurtu «Hedningarna»
13 maja a 19-j hadzinie ŭ Pałacy kultury vieteranaŭ (vuł. Ja. Kupały, 21) adbudziecca solny kancert fołk-hurtu «Hedningarna» (u pierakładzie z šviedskaj movy — «pahancy», «jazyčniki»). Hurt zasnavany ŭ 1987 h. Muzyka hurtu spałučaje tradycyjnaje hučańnie narodnych instrumientaŭ z elektronnym hučańniem. Košt kvitkoŭ: 25.000 — 40.000 rubloŭ
Majstar-kłas z udziełam šviedskaha hurtu i biełaruskaha hurtu «Vietach» budzie praviedzieny dla studentaŭ Biełdziaržuniviersiteta kultury i mastactvaŭ a 10-j hadzinie.
Vystava karykatury «Sam-nasam z klimatam»
U Muziei sučasnaha vyjaŭlenčaha mastactva (pr-t Niezaležnaści, 47) z 17 maja pa 11 červienia 2011 pravodzicca šviedska-biełaruskaja vystava karykatury «Sam-nasam z klimatam». Hety prajekt maje ekałahičny ŭchił, startavaŭ u vieraśni 2010 u Isłandyi, vandravaŭ pa Bałkanach, Małajzii, Siryi, Łatvii I Rasii.
Šviedska-biełaruski paetyčna-muzyčny prajekt «Čara»
1 červienia a 19-j hadzinie ŭ Pałacy kultury vieteranaŭ (vuł. Ja.Kupały, 21) adbudziecca prezientacyja šviedska-biełaruskaha muzyčnaha prajektu «Čara» ŭ vykanańni Źmitra Vajciuškieviča i «WZ-Orkiestra». «Čara» — pakładzienaja na muzyku vieršy viadomych šviedskich paetaŭ Kataryny Frostensan, Krystofiera Leanduera i Kieneta Klemetsa. Pierakładali vieršy nie mienš viadomyja biełaruskija paety i pierakładčyki Ryhor Baradulin, Aleś Razanaŭ i Dźmitry Płaks.
Šviedska-biełaruskija litaraturnyja čytańni
2 červienia a 18-j hadzinie ŭ aktavaj zali fiłałahičnaha fakulteta BDU (vuł. K.Marksa, 31) adbuducca Šviedska-biełaruskija litaraturnyja čytańni z udziełam Kataryny Frostensan, Uły Łašmu, Ulfa Starka, Aksany Sprynčan, Usievałada Ścieburaki, Alesia Paškieviča i Viktara Šałkieviča (viadoŭca). Uvachod volny.
3 červienia a 18-j hadzinie adbuducca Šviedska-biełaruskija čytańni ŭ Pinsku na bazie Palesskaha dramatyčnaha teatra (vuł. V. Charužaj, 10). Uvachod volny.
4 červienia a 19-j hadzinie adbuducca Šviedska-biełaruskija čytańni ŭ Breście na bazie Brescaha dziaržaŭnaha abłasnoha centra junackaj tvorčaści (vuł. Maskoŭskaja, 123).
Šviedski kamierny chor Śviatoha Juchaniesa i chor «Concordia» u Minsku i Połacku
3 červienia a 19-j hadzinie ŭ małaj zali Biełdziaržfiłarmonii (pr-t Niezaležnaści, 50) adbudziecca kancert Šviedskaha kamiernaha chora Śviatoha Juchaniesa i chora «Concordia» (h. Minsk).
Kamierny chor Śviatocha Juchaniesa zasnavany ŭ Stakholmie Karyn Ołdhren u 2002 h.
Chor «Concordia» stvorany ŭ Minsku ŭ 2007 h. u IT-kampanii «IBA».
4 červienia a 17-j hadzinie vystupiać šviedski kamierny chor Śviatoha Juchaniesa i chor «Concordia» (h. Minsk) u kancertnaj zali Safijskaha saboru. Adras: h. Połack, vuł. Zamkavaja, 1
Fiestyval šviedskaha kino
Z 7 pa 10 červienia ŭ kinateatry «Centralny» adbudziecca pakaz šviedskich filmaŭ apošniaha dziesiacihoddzia.
7 červienia
«Dziaŭčynka»
Mieładrama. 2009 h. 96 chv. Režysior Fredryk Edfielt.
Na adnym chutary 10-hadovaja dziaŭčynka (Błanka Enhstrom) robić pieršyja kroki ź dziacinstva ŭ śviet darosłych. Kali baćki adjazdžajuć pracavać u Afryku, jana bavić leta ŭ svajoj bahiemnaj ciotuchny…
8 červienia
«Padparadkavańnie»
Dakumientalny film. 2010 h. 87 chv. Režysior Stefan Jarł.
Film raskazvaje pra «chimičnaje» hramadstva, jakoje my budujem pačynajučy z Druhoj suśvietnaj vajny. Tady čałaviectva vykarystoŭvała miljon ton chimikataŭ štohod, a siońnia ŭžo ŭ 500 razoŭ bolš…
9 červienia
«Dobraachvotna-prymusova»
Drama. 2008 h. 98 chv. Režysior Rubien Estłund.
Niekalki pasažyraŭ vypadkova robiacca zakładnikami kiroŭcy. Dobraachvotna-prymusova pieraplatajucca pamiž saboj siužetnyja linii, abjadnanyja ahulnym dla ŭsich piersanažaŭ žadańniem vyjści za miežy štodzionnaha žyćcia, parušyć zabarony.
10 červienia
«Sumnieŭna»
Mieładrama. 2008 h. 75 chv. Režysior Maryja Błum.
Mira — krutaja i niezaležnaja žančyna, jakaja žyvie dziela svajoj karjery ŭ ŚMI. Ale adnojčy jana traplaje ŭ pole zroku Kupidona, jaki padsunuŭ joj nie vielmi sučasnaha susieda…
Pačatak sieansaŭ — 19.00.
Filmy demanstrujucca na movie aryhinała ź biełaruskimi subtytrami.