Hałoŭny pryz «Teatralnaha kufra» dastaŭsia studenckamu teatru ź Jekacierynburhu
03.10.2011 / 10:11
Moładzievyteatr-studyja «Halorka» ź Jekacierynburha (Rasija) staŭ uładalnikam «Vialikaha kufra» — pryza hladackich simpatyj, hałoŭnaj uznaharody VIII Mižnarodnaha fiestyvalu studenckich teatraŭ «Teatralny kufar».
Cyrymonija ŭznaharodžańnia adbyłasia 1 kastryčnika, u zaklučny dzień fiestyvalu, jaki prachodziŭ u Minsku z 25 vieraśnia.
Pryz za najlepšuju scenahrafiju žury konkursnaj prahramy prysudziła teatru Vilenskaha ŭniviersiteta Minimum (Litva) za śpiektakl «Marafon», najlepšaj režysiorskaj pracaj pryznanaja pastanoŭka «Siniaja barada — nadzieja žančyn» Karen Fraŭmajer z teatra Rurskaha ŭniviersiteta Studiobühne (Hiermanija).
U naminacyi «Najlepšaja aktrysa» pryz atrymała artystka
Akramia hałoŭnych uznaharod partniory i arhanizatary fiestyvalu taksama zasnavali šerah śpiecyjalnych pryzoŭ. Tak, pryz «Za inavacyju i kreatyŭnaść» atrymaŭ teatr Panaceia Delirante Fiederalnaha ŭniviersiteta Bai (Brazilija), «Najlepšy ansambl» — teatr Branko Krsmanovic Biełhradskaha ŭniviersiteta (Sierbija), «Najlepšaja kreatyŭnaja adaptacyja» — teatr PS09 Vilenskaha ŭniviersiteta prykładnych navuk (Litva). Śpiecyjalny pryz ad Sučasnaha mastackaha teatra atrymali teatry «
Pryzy za kamičnaść atrymali Dźmitryj Sarokin («Satrap») i Barys Bohdan («Teatr suprać voli» Moładzievaha centra Narvy, Estonija).
Dyrektar fiestyvalu Kaciaryna Saładucha ŭ intervju BiełaPAN vykazała mierkavańnie, što na fonie zamiežnych studenckich teatraŭ biełaruskija kalektyvy vyhladali nie horš. «Vielmi paradavali biełaruskija ŭdzielniki, tamu što naša prahrama ni ŭ jakaj miery nie sastupała zamiežnym teatram, heta adznačali i siabry žury — pradstaŭniki roznych krain, arhanizatary, teatralnyja krytyki», — adznačyła jana.
U cełym, pavodle słovaŭ Saładucha, pradstaviŭšy jakasnuju teatralnuju prahramu, fiestyval prajšoŭ paśpiachova.