Мінгарвыканкам прапануе павысіць кошт праезду ў транспарце да 1 200 рублёў
07.10.2011 / 11:16
Мінгарвыканкам прапануе павялічыць кошт адной паездкі ў грамадскім транспарце сталіцы да 1 200 рублёў.
«Мінгарвыканкам накіраваў у Міністэрства эканомікі прапанову аб павелічэнні кошту праезду ў грамадскім транспарце сталіцы да 1 200 рублёў», — распавялі ў гарвыканкаме.
Калі Мінэканомікі ўзгодніць новы тарыф на гарадскія перавозкі пасажыраў у камунальным пасажырскім транспарце сталіцы, будзе прынята адпаведнае рашэнне гарвыканкама.
Суткі адводзяцца на інфармаванне насельніцтва ў СМІ.
Зараз праезд каштуе 950 рублёў.Апошні раз ён даражэў 10 верасня на 50 рублёў: з 900 да 950 рублёў.