Tozik: U Biełarusi nieabchodna pavyšać piensijny ŭzrost

21.10.2011 / 11:23

Pra heta zajaviŭ vice-premjer urada Biełarusi Anatol Tozik 21 kastryčnika, adkazvajučy na pytańni žurnalistaŭ.

«Ale rabić heta treba tak, kab čałaviek sam byŭ zacikaŭleny paźniej sychodzić na piensiju», — miarkuje jon.

Pavodle jaho słoŭ, Biełaruś vyvučaje vopyt susiednich krain, u tym liku Ukrainy. «Nijakich rezkich ruchaŭ u nas nie budzie. Budziem prapanoŭvać kiraŭniku dziaržavy taki varyjant, jaki najbolš prymalny i padjomny dla krainy i vyhadny dla hramadzian», — skazaŭ Tozik.

Vice-premjer taksama ŭdakładniŭ, što ŭ Biełarusi na 2,5 młn. piensijanieraŭ zaraz prypadajuć 4 młn. pracujučych. Jon padkreśliŭ, što ŭ budučym kolkaść piensijanieraŭ budzie pavialičvacca, a pracujučych — skaračacca.

Tozik taksama zajaviŭ, što pavyšeńnie zarpłat, piensij i dapamoh budzie iści za košt dachodaŭ biudžetu. Jon padkreśliŭ, što nijakich emisijnych resursaŭ dla vyrašeńnia hetych zadač nie praduhledžana.

Nahadajem, Alaksandr Łukašenka, vystupajučy 21 krasavika z pasłańniem da biełaruskaha naroda i parłamienta, zajaŭlaŭ, što piensijny ŭzrost u Biełarusi pavyšacca nie budzie.

«Ni pra jakoje pavyšeńnie piensijnaha ŭzrostu abo abmiežavańnie pravoŭ piensijanieraŭ, jakija pracujuć, havorka nie idzie. I ŭsiakija śpiekulacyi na hetu temu treba spynić. U nas nievialikaja piensija, i kali piensijanier pracuje — dziakuj jamu, značyć, jon patrebny na vytvorčaści», — skazaŭ kiraŭnik dziaržavy.