Deutsche Bank i BNP Paribas spynili supracoŭnictva z Biełarussiu
Jany vystupali arhanizatarami raźmiaščeńnia biełaruskich jeŭraablihacyj.
26.10.2011 / 14:07
«Deutsche Bank nie viadzie biźnies z Biełarussiu i nie maje nijakich płanaŭ pa iaho praciahu», — zajaviŭ BiełaPAN pradstaŭnik hetaha niamieckaha banka Krystaf Blumiental, admoviŭšysia kamientavać pryčyny takoha rašeńnia.
Supracoŭnictva z biełaruskim uradam taksama spyniŭ francuzski bank BNP Paribas, paviedamiła brytanskaja hazieta The Independent (adzin z ofisaŭ BNP Paribas raźmieščany ŭ Łondanie). Atrymać kamientaryj u hetaha banka pakul nie ŭdałosia, ale infarmacyju pacvierdziŭ BiełaPAN pradstaŭnik brytanskaj pravaabarončaj arhanizacyi Index on Censorship Majk Charys.
«My rady takomu rašeńniu, bo my pravodzili skiravanuju na heta kampaniju», — skazaŭ jon. U ramkach kampanii Index on Censorship źviartałasia da ŭrada Vialikabrytanii. Pravaabaronca taksama nahadaŭ, što niekalkimi miesiacami raniej supracoŭnictva z Biełarussiu spyniŭ brytanski Royal Bank of Scotland.
Deutsche Bank i BNP Paribas razam z brytanskim Royal Bank of Scotland i rasijskim «Aščadbankam» vystupali arhanizatarami raźmiaščeńnia biełaruskich jeŭraablihacyj. «Spadziajemsia, što ciapier supracoŭnictva z biełaruskim uradam spynić i rasijski „Aščadbank“. Urešcie rešt jany heta zrobiać», — miarkuje Charys.
Pravaabaronca zajaviŭ, što Index on Censorship budzie praciahvać akazvać nacisk na Deutsche Bank, jaki