«Dniom i nočču ŭ chacie varta — KDB»

«Dziejasłoŭ» nadrukavaŭ «turemnyja» vieršy Uładzimira Niaklajeva.

31.10.2011 / 18:05

Vyjšaŭ śviežy numar časopisa «Dziejasłoŭ». Andrej Fiedarenka nadrukavaŭ zapisy «Siečka-15», Viktar Kaźko — nizku apaviadańniaŭ «Pra Mociu».

Apublikavana paetyčnaja nizka Uładzimira Niaklajeva «Listy da Voli».

Heta vieršy, napisanyja paetam u turmie KDB i pad chatnim aryštam.

Niečakana lehła karta

Mnie j tabie.

Dniom i nočču ŭ chacie varta

KDB.

U numary — nieviadomyja junackija vieršy Anatola Sysa. Pradmovu da ich napisaŭ z-za krataŭ Aleś Bialacki.

Drukujucca tvory i pierakłady pieramožcaŭ konkursu, pryśviečanaha 100-hodździu Česłava Miłaša.

Leanid Hałubovič napisaŭ «Štrychi da tvorčaha partreta Anatola Viarcinskaha».

Da časopisa prykładzieny dysk z dakumientalnym filmam telekanała «Biełsat» «Niaskoranaja» pra Łarysu Hienijuš.