«Белтэлекам» уніфікуе тарыфы на званкі ў мабільныя сеткі
дапоўнена
Днём пазваніць з гарадскога на мабільны будзе каштаваць 295 рублёў за хвіліну, а ўначы і ў выходныя — 199 рублёў.
31.01.2012 / 13:16
«Белтэлеком» змяняе тарыфы для абанентаў стацыянарнай сеткі, якія тэлефануюць абанентам аператараў сотавай сувязі.
З 1 лютага 2012 года кошт адной хвіліны званка на нумары абанентаў сеткі любога мабільнага аператара складзе 295 рублёў у працоўныя дні з 06:00 да 23:00. Тарыф 199 рублёў будзе дзейнічаць у выходныя і святочныя дні, а таксама ў працоўныя дні з 23:00 да 06:00.
Раней пры званках у розныя сеткі дзейнічалі розныя тарыфы.
Напрыклад, званкі абанентам МТС раней каштавалі 292 — 182 рублі (буднія/буднія начныя + выходныя) за хвіліну. Тым, хто карыстаецца паслугамі Velcom, можна было пазваніць за 318 — 201 рубель. Званкі на Life:) тарыфікаваліся па 226 — 153 рублёў за хвіліну.