У Мінску сутыкнуліся маршрутка і аўтамабіль БМВ: 5 пацярпелых + фота
ДТЗ здарылася сёння на Асаналіева.
03.03.2012 / 17:08
У Мінску адбылося лабавое сутыкненне маршрутнага таксі і легкавога аўтамабіля, паведаміў відавочца
Сур’ёзная аварыя адбылася каля 15.10 па вул. Асаналіева на пешаходным пераходзе.
У выніку сутыкнення маршрутнага таксі № 64, якое рухалася па маршруце вул. Сярова — ГЦ «Экспабел», і легкавога аўтамабіля маркі «БМВ» пацярпелі каля 5 чалавек — кіроўца легкавога аўтамабіля і пасажыры маршруткі.
Дзяжурны УДАІ МУС паведаміў, што ўсё пацярпелыя дастаўленыя ў бальніцу для аказання медыцынскай дапамогі.