Akute vystupiać na razahrevie ŭ Placebo u Minsku

Muzyka mahiloŭskaha hurta pryjšłasia daspadoby znakamitym brytancam.

17.09.2012 / 17:12

Hurt Akute vystupić na razahrevie ŭ Placebo. Pra heta paviedamlajuć arhanizatary minskaha kancerta brytancaŭ na svajoj staroncy ŭ Fejsbuku. Pa słovach lidara Akute Ramana Žyharava, muzyki spadziavalisia na taki chod padziej, kali padali zajaŭku na ŭdzieł u adbory.

«Kaniešnie, my čakali hetaha. My padali zajaŭku, jaki i ŭsie astatnija hurty, praŭda, nie viedaju, jakija. Ale na ahulnych pačatkach, razam z usimi ŭdzielničali ŭ adbory», — skazaŭ Raman Žyharaŭ.

Pa słovach Ramana, muzyki tolki siońnia daviedalisia pra svoj udzieł u kancercie, tamu pakul ničoha nie viedajuć pra jaho akaličnaści.
Nahadajem, napiaredadni pryjezdu ŭ Minsk zorak suśvietnaha bryt-roku, kancertnaje ahienctva «Korporaciia razvlečienij» abviaściła konkurs siarod biełaruskich hurtoŭ. Vybaram razahrevu zajmaŭsia frontmen Placebo Mołka razam z dyrekcyjaj hurta.
Kancert brytancaŭ adbudziecca 22 vieraśnia ŭ Pałacy sportu.