Aleś Bialacki atrymaŭ premiju Lecha Valensy

28.09.2012 / 15:29

Premija Alesiu Bialackamu dadziena za jaho «ŭniosak u abaronu pravoŭ čałavieka i dapamohu ludziam, jakich pieraśledujuć».

Pra rašeńnie było paviedamlena na ŭračystaj pres-kanfierencyi z udziełam eks-prezidenta Polščy Lecha Valensy, eks-premjera Jana Kšyštafa Bialeckaha, prezidenta horada Hdańska Paŭła Adamoviča, staršyni praŭleńnia Banka PKO Źbihnieva Jahieły.

Jak paviedamiŭ pradstaŭnik Instytuta Lecha Valensy Ździsłaŭ Vojcik, cyrymonija ŭručeńnia adbudziecca ŭ subotu 29 vieraśnia ŭ 11.30 ŭ Hdańsku ŭ Dvary Artusa (vulica Dłuhi Tarh 43/44). Na cyrymoniju zaprošanaja žonka Alesia Bialackaha Natałla Pinčuk, jakaja i atrymaje premiju z ruk Lecha Valensy.

Premija Lecha Valensy ŭručajecca asobam, instytucyjam ci rucham, jakija dziejničajuć dziela parazumieńnia i salidarnaha supracoŭnictva narodaŭ, svabody i abarony pravoŭ čałavieka.

«Premija Lecha Valensy źjaŭlajecca vykazvańniem salidarnaści z tymi, chto zmahajecca za lepšaje zaŭtra. Jana była zasnavana ŭ 2008 hodzie byłym prezidentam Polščy i kiraŭnikom prafsajuza „Salidarnaść“ Lecham Valensam u znak padziaki za padtrymku, jakuju jon mieŭ, atrymlivajučy Nobieleŭskuju premiju miru 1983 hoda»,- paviedamlaje pres-słužba Instytuta Lecha Valensy.