Polšča i Partuhałija nie znajšli hrošaj na «Jeŭrabačańnie-2013»

27.11.2012 / 09:34

Polšča i Partuhałija nie buduć prymać udzieł u muzyčnym konkursie «Jeŭrabačańnie-2013» pa finansavych pryčynach. Hetyja krainy vymušany pravodzić palityku žorstkaj biudžetnaj ekanomii.

Partuhałija pieražyvaje vielmi ciažki finansavy kryzis i tamu prytrymlivajecca žorstkaj ekanomii dla taho, kab źnizić deficyt biudžetu, jak taho patrabuje Jeŭrasajuz. Polšča ž vyrašyła ŭstrymacca ad padrychtoŭki svajho ŭdzielnika paśla vialikich zatrat na padrychtoŭku da čempijanatu pa futbołu Jeŭra-2012.

Partuhałija i Polšča ni razu nie pieramahali na Jeŭrabačańni. Lepšym vynikam dla Lisabona stała šostaje miesca ŭ 1996 hodzie, a Polšča vyrvałasia na druhoje miesca ŭ 1994-m.

Jeŭrabačańnie-2013 projdzie ŭ Šviecyi, jakaja prymaje vakalnyja spabornictvy piaty raz.
Konkurs adbudziecca ŭ horadzie Malmio, u jakim pražyvajuć 664 tys. žycharoŭ. U 1992 hodzie horad užo prymaŭ u siabie «Jeŭrabačańnie».

Šviecyja atrymała prava pravieści «Jeŭrabačańnie-2013» dziakujučy pieramozie svajoj pradstaŭnicy Łaryn. U 2012 hodzie na konkursie ŭ Baku jana atrymała 372 bały za pieśniu «Euphoria». Druhoje miesca zaniali «Buranaŭskija babuli» z Rasii.-0-