Adzin Bakijeŭ u Biełarusi ŭžo byŭ. Padčas Słuckaha zbrojnaha čynu

Historyk Nina Stužynskaja adšukała novyja dakumienty, datyčnyja Słuckaha paŭstańnia.

27.11.2012 / 10:23

Vyśviatlajucca losy aktyŭnych udzielnikaŭ bajoŭ z balšavikami, žaŭnieraŭ Pieršaj Słuckaj bryhady Ivana i Mitrafana Bohdanaŭ, Piotry Jeŭstrada i Michasia Biryča. Hetyja čacviora ziemlakoŭ z vioski Račkavičy (Słucki rajon) nie skłali zbroju i paśla parazy paŭstańnia: ich partyzanski addzieł dziejničaŭ da vosieni 1921 ŭ vakolicach Vyzny. «Orhanam» tak i nie ŭdałosia złavić tady bratoŭ Bohdanaŭ…

Darečy, pastanovu z abvinavačańniem u bandytyźmie Ivana i Mitrafana Bohdanaŭ padpisvaŭ načalnik Słuckaha palitbiuro Bakijeŭ.

«Palitbiuro» ŭ 1920-m, na terytoryjach, dzie tolki-tolki astalavałasia savieckaja ŭłada, značyła nie toje, što ŭ 1970-ja.

Heta byŭ balšavicki karny orhan, jaki zajmaŭsia i palityčnym vyšukam.

Tak supała, što ŭznačalvaŭ Słuckaje palitbiuro čałaviek z kyrhyzskim proźviščam, ciozka zrynutaha prezidenta Kyrhyzstana, jaki chavajecca ŭ Biełarusi ad kryminalnaha pieraśledu.

Jość źviestki, što dla padaŭleńnia Słuckaha paŭstańnia vykarystoŭvalisia tak zvanyja intiernacyjanalnyja bryhady.

Kitajcy tam byli, čamu b nie być i synu kyrhyz-kajsackich stepaŭ?

Padrabiazna pra los partyzanskaha atrada Ivana Bohdana čytajcie ŭ śviežym numary «NN», jaki z’iavicca ŭ sieradu.