Карыстальнікам сацыяльнага таксі ў Мінску абмежавалі паездкі на гандлёвыя аб’екты па рэалізацыі прамысловых і гаспадарчых тавараў да двух разоў у месяц. Аб гэтым паведамілі ў камітэце па працы, занятасці і сацыяльнай абароне Мінгарвыканкама.
Адпаведная норма змешчана ў апублікаваным сёння рашэнні Мінскага гарадскога Савета дэпутатаў, якім уносяцца змяненні і дапаўненні ў Праграму развіцця сацыяльнага абслугоўвання ў горадзе Мінску на 2011–2015 гады.
Як растлумачылі спецыялісты, новаўвядзенні ў сістэму выклікаў абумоўлены тым, што некаторыя мінчане празмерна карыстаюцца паслугай сацыяльнага таксі для наведвання гандлёвых цэнтраў,у той час як спецаўтатранспарт у першую чаргу прызначаны для дастаўкі жыхароў да ўстаноў аховы здароўя, рэабілітацыйных цэнтраў, аптэк, аб’ектаў сацыяльнай сферы.
0
0
0
0
0
0