Выпадак на радзіме Коласа: работнік школы напіўся і спрабаваў адкупіцца ад міліцыі хабарам 1

Гісторыя сямейнага дэбашыра скончылася завядзеннем у дачыненні да яго крымінальнай справы.

У в. Мікалаеўшчына Стаўбцоўскага раёна работнік мясцовай школы, добра выпіўшы, не саромеючыся ў выразах пачаў скандаліць. Жонка патэлефанавала 102. Работнікі міліцыі паспрабавалі супакоіць скандаліста, але марна. Яго вывелі з хаты, каб адвезці ў пастарунак

Па дарозе затрыманы вырашыў адкупіцца ад праваахоўнікаў. Мужчына даў участковым інспектарам 600 тысяч рублёў. Аднак не ўлічыў, што адказнасць за даванне хабару ў разы больш сур’ёзная, чым за дробнае хуліганства.

У выніку Стаўбцоўскі аддзел Следчага камітэта распачаў крымінальную справу па ч. 1 арт. 431 КК РБ «Даванне хабару».

Паводле mvd.gov.by

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ