20 верасня ў Ватыкане, у базіліцы Святага Пятра, прайшла малітва за зняволенага кс. Уладзіслава Лазара. У малітве, якую праводзіў кс. Юры Барок, узяло ўдзел каля пяцідзесяці вернікаў з Беларусі. Вернікі прасілі Бога за шчаслівае вырашэнне гэтай праблемы і за Божае дабраславенне для Беларусі.
Малітва за арыштаванага святара стала адказам на заклік Мітрапаліта Мінска-Магілёўскага арцыбіскупа Тадэуша Кандрусевіча маліцца за кс. Уладзіслава, паведамляе ініцыятыва «Хрысціянскі рух»
Ксёндз Уладзіслаў Лазар ужо больш за тры месяцы знаходзіцца ў турме КДБ. Яму выстаўлена абвінавачванне ў перадачы грошай і матэрыяльных каштоўнасцяў чалавеку, якога падазраюць у шпіянажы на карысць іншай дзяржавы. Святару пагражае да 15 гадоў зняволення.
0
0
0
0
0
0
