Вядомы расійскі шахматыст, былы чэмпіён свету, а цяпер апазіцыйны палітык Гары Каспараў просіць даць яму латвійскае грамадзянства.

Такі ліст атрымалі амаль усе фракцыі латвійскага Сейма.

Як паведаміў старшыня камісіі Сейма па абароне, унутраных справах і прадухіленні карупцыі Айнар Латкоўскіс, грамадзянства Латвіі Каспараў просіць за асаблівыя заслугі і хоча захаваць таксама грамадзянства Расіі.

«Як грамадзянін Латвіі я атрымаю магчымасць без абмежаванняў заняцца палітычнай дзейнасцю ў імя дэмакратыі, міру і справядлівасці як у Расіі, так і ў іншых краінах свету, дзе парушаюць правы чалавека і топчуць дэмакратычныя нормы», - цытуе ліст Каспарава BNS.

Каспараў указвае, што яго жыццё з маладосці звязана з Латвіяй,

дзе ў 1970-я гады ён атрымаў важную перамогу ў шахматах [відаць, размова пра адборачны турнір у Даўгаўпілсе, які дазволіў 15-гадоваму шатматысту дэбютаваць у чэмпіянаце СССР — НН]. Маці яго сына Вадзіма грамадзянка Латвіі, а ў сына ёсць від на жыхарства ў Латвіі, і ён рэгулярна наведвае Рыгу.

Каспараў таксама піша, што ён як грамадзянін Латвіі мог бы ўнесці істотны ўклад у адукацыю школьнікаў і студэнтаў у рамках праграм «шахматнага Фонду Каспарава».

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзеру