Выпадак адбыўся ў Мінску, у Партызанскім раёне.
Супрацоўнікі мясцовага аддзялення па наркакантролі і супрацьдзеянні гандлю людзьмі звярнулі ўвагу на маладую пару з маленькім дзіцем на руках, якая ішла па праезнай частцы дарогі.
Ухіліўшыся ад машыны, якія праехала ў сантыметры, пара збіралася ісці далей, але праваахоўнікі забралі маладых людзей з дарогі.
Як аказалася, мужчына і жанчына знаходзіліся пад уздзеяннем наркотыкаў і былі практычна ў несвядомым стане. У швэдры, завязаным вакол цела мужчыны, ляжала грудное дзіця, якое моцна плакала.
Аператыўнікі выклікалі хуткую дапамогу і калег з інспекцыі па справах непаўналетніх, якія забралі дзіця ў гора-бацькоў.
Як высветлілася, сямейная пара (абодвум па 26 гадоў) нідзе не працуе і ўжо неаднаразова былі судзімыя за ўжыванне, захоўванне і збыт наркатычных рэчываў.
Маладая мама, вызваліўшыся з месцаў пазбаўлення волі, зацяжарыла, але ўжываць наркотыкі не кінула.
На гэты момант момант чатырохмесячнае дзіця знаходзіцца ў інфекцыйнай бальніцы, дзе яму аказваецца медыцынская дапамога.
Ужо прынята пастанова аб прызнанні дзiцяцi маючым патрэбу ў дзяржаўнай абароне. Калі за шэсць месяцаў бацькі не пройдуць неабходнае лячэнне і не знойдуць пастаянную працу, то будуць пазбаўленыя бацькоўскіх правоў.