Рэдактар аддзела крытыкі часопіса «Маладосць» і ўкладальнік кнігі «Максім Багдановіч: вядомы і невядомы» Ціхан Чарнякевіч вярнуў міністру культуры грамату за шматгадовую добрасумленную працу. Пра гэта Чарнякевіч піша ў сваім блогу.
Такім чынам ён выказаў пратэст у сувязі з рашэннем Мінкультуры знізіць статус Літаратурнага музея Максіма Багдановіча і рэарганізаваць яго ў філіял Дзяржмузея гісторыі беларускай літаратуры.
«Ганараваць на дзяржаўным узроўні багдановічаўцаў і адначасова зніжаць статус Літаратурнага музея Максіма Багдановіча — нелагічна; адзначаць на дзяржаўным узроўні 100-годдзе выдання «Вянка» і спакойна назіраць за знішчэннем выдавецтва «Логвінаў» — нелагічна», — піша Чарнякевіч.
