22:35

Марш мільёнаў па-за Кіевам: Львоў, Луганск, Луцк, Роўна, Варшава, Прага — фота і відэа

19:45

Марш мільёнаў — відэарэпартаж «НН»

19:00

У Кіеве невядомыя знеслі помнік Леніну. Фота Дар'і Каткоўскай.

18:25

18:20

ЕС нагадаў Януковічу пра грамадзянскія свабоды. Эштан едзе ва Украіну

Прэзідэнт Еўракамісіі Жазэ-Мануэль Барозу нагадаў 8 снежня ў тэлефоннай размове прэзідэнту Віктару Януковічу аб неабходнасці паважаць грамадзянскія свабоды ўкраінскага народу, праяўляць стрыманасць і вырашыць сітуацыю, якая ўзнікла ва Украіне, шляхам дыялогу з апазіцыяй. На наступным тыдні Кіеў наведае вярхоўны прадстаўнік ЕС Кэтрын Эштан паведамляе «Украінская праўда»

18:00

СБУ пачала расследаванне ў сувязі з дзеяннямі, накіраванымі на захоп дзяржаўнай улады ў Украіне

17:50

Як выглядае Марш мільёнаў з верхавіны ёлкі — відэа

Журналіст украінскай службы радыё «Свабода» Андрэй Дубчак зняў Еўрамайдан з вышыні недабудаванай елкі.

17:20

Міліцыя ахоўвае мітынг «цітушак» — фоты

Фота Віталій Уманець.

16:35

16:48

Апазіцыя абвясціла аб пашырэнні Еўрамайдану

16:35

Апазіцыя дае Януковічу 48 гадзін

Апазіцыя абяцае заблакаваць Межыгор'е, калі на працягу 48 гадзін ўрад Мікалая Азарава не будзе ў адпраўлены ў адстаўку, паведамляе «Украінская праўда».

Пра гэта заявіў дэпутат ад «Бацькаўшчыны» Сяргей Пашынскі на чале калоны апазіцыі, якая адправілася ў Адміністрацыю прэзідэнта з мітынгу на Майдане Незалежнасці. «Януковіч, мы табе даём 48 гадзін. Калі за гэты час Захарчанка не будзе арыштаваны, калі ўрад Азарава не будзе адпраўлены ў адстаўку, калі не будуць вызваленыя палітвязні — мы ідзем на Межыгор'е», — заявіў ён. Па словах Пашынскага, у нядзелю пратэстоўцы збіраюцца заблакаваць «наглуха» АП і Кабмін.

16:30

Міліцыя не перашкаджае будаваць барыкады ва ўрадавым квартале

Міліцыянты, якія забяспечваюць правапарадак у цэнтральнай частцы Кіева, пакуль не прадпрымаюць ніякіх актыўных дзеянняў, нягледзячы на ўзвядзенне барыкадаў ва ўрадавым квартале.

«Праваахоўнікі стаяць у ланцужках каля адмінбудынкў і звяртаюцца да мітынгоўцаў з просьбай не ствараць правакацый», перадае агенцтва «Інтэрфакс-Украіна» інфармацыю з кіеўскай міліцыі.

Спецназ ахоўвае праўладны мітынг. Фота Dmytro Gnap

Так, праваахоўнікі выставілі кардоны ля будынкаў Адміністрацыі прэзідэнта, Кабінета міністраў, a таксама Вярхоўнай Рады Украіны. Каля будынка ўкраінскага парламента кардон праваахоўнікаў падзяляе праціўнікаў дзейнай улады і прыхільнікаў Партыі рэгіёнаў, якія праводзяць мітынг у Марыінскім парку ў падтрымку прэзідэнта Украіны і дзеючага ўрада.

16:05

16:00

15:50

Мітынгоўцы ладзяць барыкады на подступах да будынка Кабміна

Як перадае карэспандэнт агенцтва «Інтэрфакс-Украіна», у цяперашні час прыхільнікі апазіцыі, сярод якіх шмат актывістаў ВА «Свабода», усталёўваюць на праезнай часткі вуліцы загароду з падручных матэрыялаў.

15:20

Марш мільёнаў пераходзіць ва ўрадавы квартал: «Дзейнічаем малымі групамі, па 30—50 тысяч чалавек»

«Дзейнічаем малымі групамі, па 30—50 тысяч чалавек», — заклікаў пратэстоўцаў паплечнік Юліі Цімашэнкі Аляксандр Турчынаў.

Ён заклікаў дэманстрантаў заблакаваць будынкі Адміністрацыі прэзідэнта і Кабінета міністраў. Калоны рухаюцца з Майдана Незалежнасці ўгару, у бок квартала з урадавымі будынкамі.

Пратэстоўцы маюць паставіць вакол урадавых будынкаў свае намёты.

15:18

Ад ста тысяч да мільёна

Пакуль што няма дакладных звестак пра колькасць удзельнікаў нядзельнай акцыі. Украінскія СМІ спасылаюцца на складанасць падлікаў і тое, што людзі ўвесь час падходзяць. Агучаныя прэсай і апазіцыяй лічбы значна адрозніваюцца.

Паведле «Інтэрфакс-Украіна» ды УНІАН на Мйдане і прылеглых вуліцах сабралася больш за 100 тысяч чалавек.

Паводле ўкраінскай апазіцыі, на Майдане і прылеглых вуліцах сабралася каля мільёна чалавек.

14:45

Поўны Майдан — фотафакт

Фота

Фота Батьківщина

14.25

Пад сценамі Лук'янаўскага ізалятара патрабуюць вызвалення затрыманых 1 снежня на Банкавай актывістаў.

14.20

Пасля малебна першае слова далі Міраславу Паповічу — 83-гадоваму філосафу, які зачытаў зварот інтэлігенцыі. Інтэлігенцыя заклікала да адстаўкі ўрада і дыялогу апазіцыі з Януковічам.

Далей быў зачытаны зварот ад зняволенай Юліі Цімашэнкі. Цімашэнка заклікала апазіцыю не ўступаць у перамовы з Януковічам. Яна таксама папярэдзіла, што перамога не будзе імгненнай і заклікала зрабіць так, каб сілавы варыянт разгону быў немагчымы.

Рэвалюцыя збірае ўсіх. Фота

Пасля выступіў папулярны пісьменнік Юрый Андруховіч. Ён ад імя інтэлігенцыі патрабуе вяртання да Канстытуцыі ў варыянце 2004 года і падпісання дамовы з ЕС.

14:00

Сотні тысяч на вуліцах Кіева

Фота Ройтэрз

Веча на Майдане Незалежнасці пачалося з малебна, які правялі прадстаўнікі розных цэркваў, у тым ліку кардынал Любамір Гузар.

Цэнтр Кіева — не тольк плошча, але і Хрышчацік і прылеглыя вуліцы, запоўнены і кантралююцца мітынгоўцамі.

Спецназ заблакаваў доступ да кварталаў з урадавымі будынкамі, у тым ліку Адміністрацыі прэзідэнта на Банкавай. Фота Дар'і Каткоўскай, фэйсбук.

Вуліцы Інстытуцкая, Ліпская, Шаўкавічная перакрыты аўтобусамі, якія счэплены між сабой тросамі, паведамляе «Інтэрфакс-Украіна».

На вуліцах ёсць людзі з самых розных сацыяльных слаёў і рэгіёнаў Украіны. Над вечам можна пабачыць і некалькі дзясяткаў беларускіх сцягоў.

Пратэсты, нагадаем, пачаліся, калі ўрад Януковіча пад ціскам Расіі адмовіўся ад ужо ўзгоджанага падпісання Дамоваў аб асацыяцыі і зоне свабоднага гандлю з Еўрасаюзам. Між тым украінцы звязвалі з еўраінтэграцыяй спадзяванне на паляпшэнне эканамічнай сітуацыі і эвалюцыю рэжыму ў краіне.

Пасля спробы разгону Майдану 30 лістапада пратэсты набылі масавы характар. Мітынгоўцы захапілі цэнтр Кіева і патрабуюць адстаўкі ўрада. Аднак ва ўмовах, калі Януковіч кантралюе Вярхоўную Раду, а ягоныя сябры-алігархі — большасць прадпрыемстваў і сілавыя структуры, апазіцыі не так проста знайсці спосаб выканання гэтых патрабаванняў законным чынам.

13:45

Кіеўскае метро перагружанае, пасажыры скандуюць «Слава Украіне!» і спяваюць гімн

Метро Кіева ў нядзелю 8 снежня перагружанае нібы ў гадзіну пік працоўнага дня, паведамляе «Інтэфакс-Украіна».

Асноўны цяжар лёг на цэнтральныя станцыі — адсюль на Майдан збіраюцца ўдзельнікі Маршу мільёна. Пасажыры перыядычна скандуюць «Слава Украіне!» і спяваюць дзяржаўны гімн.

13:40

На вуліцы Банкавай у Кіеве прайшоў флэш-моб «Не бі. Кахай. Абараняй»

На вуліцы Банкавай у Кіеве прайшоў флэш-моб «Не бі. Кахай. Абараняй». Дзяўчаты ў нацыянальных строях падарылі байцам «Беркуту» кветкі, а некаторы і пацалункі. Перад шэрагам спецназаўцаў разгарнулі плакат з адпаведным заклікам.

Фота Руслана Сенічкіна

13:25

Партыі рэгіёнаў заявіла пра 15-тысячны мітынг сваіх прыхільнікаў

На мітынгу «Пабудуем Еўропу ва Украіне» ў падтрымку стратэгічнага курсу прэзідэнта Украіны Віктара Януковіча ў Марыінскім парку раніцай раніцай 8 снежня сабралася больш за 15 тыс. Актывістаў, паведамляе прэс-служба Партыі рэгіёнаў. «Мітынгоўцы выступаюць за мірнае вырашэнне сітуацыі, якая ўзнікла ў краіне, а таксама асуджаюць дзеянні лідараў апазіцыйных сіл, накіраваныя на раскол грамадства», — гаворыцца ў паведамленні. Перад мітынгоўцамі выступаюць народныя дэпутаты, члены парламенцкай фракцыі Партыі рэгіёнаў і грамадскія актывісты, паведамляе ўкраінская служба радыё «Свабода».

12:00

Пад Кіевам «маладафронтаўцам» прабілі колы ў аўто

Гэта здарылася 7 снежня ў часе праверкі машыны супрацоўнікамі ДПС.

«За 90 км да Кіева нас спыніў атрад ДПС і падчас праверкі дакументаў у машыны нехта прабіў колы», — паведаміў радыё «Свабода» маладафронтавец Мікалай Дзямідзенка.

Аналагічны інцыдэнт адбыўся з іншай машынай з беларусамі, якія ехалі на Майдан, учора.

11:30

Міністр унутраных спраў Украіны звярнуўся да жыхароў і гасцей Кіева

Міністр унутраных спраў Украіны Віталь Захарчанка заявіў, што крымінагенная сітуацыя ў Кіеве абвастраецца і абяцае прыцягнуць да адказнасці тых, хто пагражае супрацоўнікам праваахоўных органаў, суддзям і іх сем'ям.

Пра гэта гаворыцца ў звароце міністра да кіяўлянаў і гасцей сталіцы, апублікаваным напярэдадні на сайце МУС. У прыватнасці, кіраўнік МУС адзначыў, што маніторынг сродкаў масавай інфармацыі сведчыць аб разгортванні супраць МУС «маштабнай, скажонай, пабудаванай нярэдка на неправераных дадзеных, інфармацыйнай прапаганды», паведамляе «Украінская праўда».

***

Лідар партыі «УДАР» Віталь Клічко заклікаў кіеўцаў у нядзелю а 12:00 (13:00 па Мінску) сабрацца на Майдане Незалежнасці на народнае веча.

Аб гэтым Клічко заявіў, выступаючы на Майдане Незалежнасці перад мітынгоўцамі, паведамляе Unian.

«Заклікаю кіяўлян заўтра а 12:00 прыйсці на Майдан. Заўтра (маецца на ўвазе нядзеля) — усеагульная мабілізацыя. Тыя, хто не змогуць прыехаць у Кіеў, павінны арганізаваць мітынгі ў сваіх гарадах», — сказаў Клічко.

Ён яшчэ раз падкрэсліў, што задачай Майдана з'яўляецца:

— патрабаванне да дзеючай улады пакараць тых, хто мае дачыненне да збіцця студэнтаў у ноч на 30 лістапада;

— адстаўка ўрада Мікалая Азарава,

 — правядзенне датэрміновых прэзідэнцкіх выбараў і падпісанне пагаднення аб асацыяцыі з ЕС.

На вечар суботы на галоўнай плошчы сталіцы Украіны знаходзіцца каля 15 тыс чалавек, дадае Unian.

Пратэсты ў Кіеве пачаліся 21 лістапада пасля заявы прэм'ера Азарава, што Украіна не будзе падпісваць пагадненне аб асацыяцыі з ЕС.

Маніфестацыя 24 лістапада сабрала каля 100 тыс. чалавек, праз тыдзень, 1 снежня, на вуліцы Кіева выйшлі, па розных падліках, ад 500 тыс. да 1 млн чалавек, 

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзеру