Фота Радыё Свабода
Доктар філалагічных навук, літаратуразнаўца і фалькларыст, Арсень Ліс нарадзіўся 4 лютага 1934 года на Смаргоншчыне.
Скончыў філалагічны факультэт БДУ, настаўнічаў, паспытаў рэдактарскага хлеба ў выдавецтве. А з пачатку 1960-х працаваў Інстытуце мастацтвазнаўства, этнаграфіі і фальклору Акадэміі навук.
Ліс многія гады збіраў і аналізаваў каляндарна-абрадавы фальклор, з’яўляецца аўтарам шэрагу манаграфій і вучэбных дапаможнікаў.
За ўдзел у падрыхтоўцы і выданні акадэмічнага збору беларускай народнай творчасці быў адзначаны Дзяржаўнай прэміяй.
Але найперш заслуга Арсеня Ліса — у вяртанні з небыцця імёнаў дзеячоў нацыянальнага руху.
Ён напісаў захапляльныя біяграфіі мастака Пётры Сергіевіча, мастацтвазнаўцы Міколы Шчакаціхіна, палітыка Браніслава Тарашкевіча.
«Уменне бачыць на перспектыву, рэльефна абвострана, віртуозна спалучаючы навуковы падыход да тэмы з мастацкай вобразнасцю — вось галоўныя рысы творчай манеры Арсеня Ліса»,
– пісаў пра даследчыка краязнаўца Міхась Казлоўскі.
«НН» далучаецца да віншаванняў!