У цэнтры Мінска загарэўся грузавы аўтамабіль, які перавозіў балоны з газам. Пра гэта БелаПАН паведамілі відавочцы здарэння.
Абгарэлы грузавік і чорны ад сажы тралейбус знаходзяцца ў раёне Беларускага дзяржаўнага акадэмічнага музычнага тэатра.
У Мінскім гарадскім упраўленні МНС пацвердзілі, што ў раёне тэатра гарыць аўтамабіль, які цяпер тушаць ратавальнікі. Пры гэтым у сталічнай ратавальнай службе пакуль не змаглі пацвердзіць ці абвергнуць інфармацыю пра тое, што аўтамабіль перавозіў газавыя балоны і падчас здарэння пацярпеў тралейбус.
0
0
0
0
0
0
