Выпадак у гіпермаркеце: у дзяўчыны з камеры захоўвання сцягнулі боты і калготкі 6

Ахвярай зламысніка стала дзяўчына, якая пакінула папярэднія пакупкі — боты, блузку, калготкі — у камеры захоўвання аднаго са сталічных гіпермаркетаў. Вярнуўшыся ж пасля наведвання гандлёвай залы, пацярпелая пабачыла пустую ячэйку…

Аператыўнікамі аддзела крымінальнага вышуку Фрунзенскага РУУС сталіцы сумесна з супрацоўнікамі службы бяспекі супермаркета былі прагледжаныя запісы з камер відэаназірання.

Высветлілася, што невядомы мужчына цягам некалькіх хвілін спрабаваў адчыніць ячэйкі камеры захоўвання адвёрткай і ключом. Дабіўшыся ж свайго, незнаёмы разам з пакетам пацярпелай пакупніцы сышоў.

Калі вы пазналі чалавека на скрыншоце, просьба звярнуцца ў Фрунзенскае РУУС Мінска асабіста або па тэлефонах: (017) 208-76-47, (017) 252-02-02 альбо па спецлініі «102».

guvd.gov.by

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ