У рамках музычнай рэвалюцыйнай акцыі «Інструмент свабоды» на барыкадах вуліцы Грушэўскага ў Кіеве дала канцэрт спявачка Руслана.
На сіне-жоўтым піяніна, якое ўсталявалі проста на рэштках спаленага аўтобуса, яна выканала «Оду да радасці» Бетховена, творы гурту The Beatles, урыўкі з украінскіх народных і ўласных песень.
Музычная рэвалюцыйная акцыя «Інструмент свабоды» стартавала у дзевяці гарадах Украіны.
На плошчах Львова, Данецка, Ужгарада, Кіраваграда і іншых абласных цэнтраў 9 лютага з'явіліся жоўта-сінія вулічныя піяніна і нават скрыпка, на якіх адначасова зайгралі актывісты.