Прызавыя прэміі, якія чакаюць беларускіх спартсменаў-медалістаў на радзіме, складаюць: 150 тыс. даляраў за залаты медаль, 75 тыс. даляраў за срэбраны і 50 тыс. даляраў за бронзавы.
Пра гэта паведамляе telegraf.by са спасылкай на прэс-сакратара НАК Беларусі Анастасію Марыніну.
Прэс-сакратар НАК Беларусі ўдакладніла, што ўзнагарода даецца за кожны медаль.
Такім чынам, ужо на сёння за свой выступ на сочынскай алімпіядзе біятланістка Дар'я Домрачава па вяртанні ў Беларусь атрымае ўзнагароду ў памеры 300 тыс. даляраў, па $150 тыс. за кожны залаты медаль.
150 тыс. даляраў чакаюць Алу Цупер за перамогу ў фрыстайле. 50 тыс. даляраў атрымае Надзея Скардзіна за бронзавы медаль у біятлоне.
0
0
0
0
0
0
