Біятланістка Дар’я Домрачава, якая выйграла тры залатыя медалі на зімовай Алімпіядзе-2014 у Сочы, атрымала званне Героя Беларусі. Яна першая з жанчын, уганараваных найвышэйшай ступенню адрознення ў краіне.
Герой Беларусі – гэта перадусім статус, пачэснае званне. Але ўганараваныя маюць ад дзяржавы пэўныя льготы і прывілеі. Якія бонусы атрымае Дар’я Домрачава?
1) бясплатнае забеспячэнне лекамі, якія выдаюцца па рэцэптах у межах спісу асноўных лекавых сродкаў;
2) бясплатны выраб і рамонт зубных пратэзаў у дзяржаўных стаматалагічных паліклініках;
3) атрыманне грашовай дапамогі на аздараўленне;
4) бясплатны праезд у гарадскім і прыгарадным транспарце, а аднойчы на год — па ўсёй краіне;
5) 50%-ную зніжку на праезд міжгароднім транспартам з 1 кастрычніка па 15 мая;
6) вызваленне ад платы за тэхнічнае абслугоўванне і карыстанне 20 м2 жытла;
7) аднаразовую бясплатную ўстаноўку стацыянарнага тэлефона;
8) бясплатнае карыстанне стацыянарным тэлефонам (апроч міжгародніх і міжнародных размоў).
Такія самыя льготы маюць Героі СССР, Героі Сацыялістычнай працы і некаторыя іншыя катэгорыі грамадзянаў.
