Украінскі алігарх Рынат Ахметаў перакананы, што «няма такіх абставін, якія апраўдваюць прымяненне сілы ў адносінах да мірнага насельніцтва».

Пра гэта гаворыцца ў заяве прэс-сакратара Ахметава, пашыранай у аўторак увечары, паведамляе «Інтэрфакс-Украіна».

«Мірныя людзі не павінны пакутаваць ні ў якім разе. Гэта павінна стаць галоўнай задачай і ўлады, і апазіцыі, усіх супрацьлеглых сілаў», — гаворыцца ў заяве.

«Чалавечыя ахвяры і пацярпелыя з боку пратэстоўцаў і праваахоўнікаў падчас вулічных сутыкненняў — недапушчальная цана за палітычныя памылкі», — лічыць алігарх.

У заяве таксама адзначаецца, што Ахметаў заклікае «спыніць праліцьцё крыві на вуліцах Кіева, усім варагуючым сілам тэрмінова вярнуцца ў перамоўны працэс і ні на хвіліну не спыняць працу да таго часу, пакуль не будзе знойдзена рашэнне па выхаду Украіны з глыбокага палітычнага крызісу».

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзеру