Апазіцыя з такім варыянтам не згодная.
Намеснік старшыні Вярхоўнай Рады Руслан Кашулінскі заявіў, што ўлада прапануе апазіцыі Расію як пасярэдніка ў перамовах па ўрэгуляванні крызісу ў краіне.
«Мы лічым, што патрэбен міжнародны пасярэднік, каб можна было гарантаваць адказнасць за прынятыя рашэнні ў ходзе перамоваў, — сказаў віцэ-спікер у эфіры 5-га канала 19 лютага позна ўвечары.
Паводле яго слоў, апазіцыя прапанавала пасярэднікамі прадстаўнікоў з Еўропы.
«На жаль, гэта не ўспрымаецца, прапануецца Расійская Федэрацыя як пасярэднік. Нашы апаненты прапануюць РФ як пасярэдніка, мы разумеем, што гэта прывядзе ў глухі кут. Мы не будзем мець даверу да пасярэдніка і не зможам выйсці на нейкую пазіцыю. Таму перамоўны працэс цяпер у такой сітуацыі», — сказаў ён.
Як вядома, у сераду позна ўвечары ўлада і апазіцыя дамовіліся аб перамір'і і перамовах з мэтай спынення кровапраліцця.