У бюджэт сталіцы на 2014 год унесены некаторыя змены, якія не пацягнуць за сабой павелічэння яго расходнай часткі. Адпаведнае рашэнне прынята на сесіі Мінскага гарадскога Савета дэпутатаў.
У прыватнасці, для своечасовага ўводу ў эксплуатацыю аб'ектаў, уключаных у інвестыцыйную праграму Мінска на 2014 год (у тым ліку аб'ектаў, якія будуць задзейнічаны пры правядзенні чэмпіянату свету па хакеі), вырашана дадаткова накіраваць з бюджэту 400 мільярдаў рублёў.
Сродкі пойдуць на завяршэнне будаўніцтва будынка музея гісторыі Вялікай Айчыннай вайны, штаб-кватэры Нацыянальнага алімпійскага камітэта, гасцініцы «Вікторыя-Алімп», рэканструкцыю Мінскага заапарка і гасцініцы «Беларусь» і іншыя аб'екты.
0
0
0
0
0
0