Сярод вядомых ураджэнцаў Екацерынбургу, якія ўнеслі ўнёсак у беларускае мастацтва –-
акцёры Наталля Гайда, каралева беларускай аперэты, і Уладзімір Гасцюхін, які сыграў ролю Рыбака ў фільме «Узыходжанне» (паводле быкаўскага «Сотнікава»).
Але на беларускае мастацтва найбольш паўплываў Уладзімір Мулявін, арганізатар і лідар легендарных «Песняроў».
Конкурс эскізных праектаў на стварэнне помніка Мулявіну быў абвешчаны ў мінулым годзе.
Але паколькі ніводзін варыянт так і не быў прыняты, конкурс падаўжалі двойчы.
Як паведамляе агенцтва «Мінск-навіны»,
пераможцам быў абраны праект Сяргея Логвіна. Помнік, які будзе ім створаны, з'явіцца ў Екацерынбургу на алеі, якая вядзе да білетных кас кінатэатра «Космас».
На гэтай пляцоўцы «Песняры» неаднаразова выступалі падчас гастроляў.
