Георгіеўскія стужкі будуць па традыцыі раздаваць усім ахвотным у цэнтры Магілёва 9 мая. Таксама ўдзельнікам і гледачам шэсця-параду прапануюць прышпіліць да адзення чырвона-зялёную стужку. Пра гэта карэспандэнту TUT.BY паведамілі ў Магілёўскім гарвыканкаме. Чорна-аранжавую стужачку прымацуюць і ветэраны, якія паедуць у калоне. Кіраўнікі горада і вобласці прышпіляць стужку чырвона -зялёнага колеру.
Як растлумачылі ў гарвыканкаме, нездаровы ажыятаж, што ўспыхнуў вакол георгіеўскай стужкі, не прымусіць магілёўцаў адмовіцца ад традыцыі, звязанай толькі з перамогай у Вялікай Айчыннай вайне. «Георгіеўская, або гвардзейская стужка, якая ідзе да ордэна Славы і медаля «За перамогу над Германіяй» нягледзячы ні на што з'яўляецца сімвалам перамогі савецкага народа над фашызмам, — падкрэслілі ў гарвыканкаме. — Ветэраны вайны ні за што не прымуць і не зразумеюць іншую пазіцыю ў дачыненні да гэтага знака».
Вытворчасцю георгіеўскай стужачкі займаецца Магілёўскае ААТ «Стужка». Як паведамляе тэлерадыёкампанія «Магілёў», з пачатку 2014 прадпрыемства адгрузіла 600 тысяч метраў стужкі заказчыкам з Беларусі і Расіі. У вытворчасці — стужкі двух памераў: шырынёй 24 і 35 міліметраў. 9 мая будуць бясплатна раздаваць і навінку кампаніі — стужку з муаравай эфектам. Яе адмыслова распрацавалі спецыялісты Магілёўскага прадпрыемства да Дня Незалежнасці Рэспублікі Беларусь.
Між тым, у Гомелі БРСМ рэкамендуе не выкарыстоўваць на мерапрыемствах 9 Мая георгіеўскіх стужкі. «У гэтым годзе мы з кіраўніцтвам параіліся і вырашылі аддаць перавагу ў гэтым годзе чырвона-зялёнай стужачцы, колеру дзяржаўнага сцяга, гэта наша патрыятычная стужка», — адзначылі ў Чыгуначнай раённай арганізацыі саюза моладзі.
