Украіна і Еўрасаюз плануюць заўтра падпісаць дамову аб выдзяленні Украіне 1 млрд еўра макрафінансавай дапамогі.
Пра гэта прэм'ер-міністр Украіны Арсеній Яцанюк заявіў падчас сумеснай прэс-канферэнцыі з прэзідэнтам Еўрапейскага савета Германам Ван Рампеем, які прыбыў у Кіеў па запрашэнні кіраўніка ўрада.
«Заўтра ўвесь склад украінскага ўрада адбывае ў Брусэль на гістарычнае сумеснае пасяджэнне Украіны і Еўракамісіі. Мы чакаем заўтра падпісанне важных дакументаў, у тым ліку і дакументаў аб выдзяленні мільярднай макрафінансавай дапамогі Украіне», — сказаў прэм'ер.
0
0
0
0
0
0
