Беларускі гісторык і пісьменнік Уладзімір Арлоў, вернік грэка-каталіцкай парафіі Праведнага Язэпа ў Мінску, перадаў на рукі Апостальскага Нунцыя ў Беларусі Архібіскупа Клаўдыё Гуджэроці, сваю вядомую кнігу «Ілюстраваная гісторыя. Краіна Беларусь» (аўтар тэксту - Уладзімір Арлоў, мастак - Зміцер Герасімовіч) як падарунак для Яго Святасці Папы Францішка.
Англійскую версію гэтай кнігі («This country called Belarus») Уладзімір Арлоў перадаў Апостальскаму Нунцыю ў дзень малітоўнага ўспаміну Біскупа Чэслава Сіповіча, у капліцы Душпастырскага цэнтра парафіі Праведнага Язэпа ў Мінску.
Апостальскі Нунцый прыняў з удзячнасцю гэты падарунак ды запэўніў, што кнігу перадасць асабіста Святому Айцу ў дзень сустрэчы з Ім, 25 верасня.
0
0
0
0
0
0
