ria.ru

Перамены, пра якія спяваў саліст гурту «Кіно» Віктар Цой — гэта не перамены палітычнага ладу, а перамены асобы.

Пра гэта ў чацвер, 23 кастрычніка, гітарыст з першага складу групы «Кіно» Аляксей Рыбін распавёў у эфіры тэлеканала Дождь.

«Перамены, пра якія спяваў Віктар, — гэта не перамены палітычнага ладу. <…> Гэта перамены значна больш глыбокія ўнутры сябе, пра якія спявалі, пісалі, малявалі, ляпілі ўсе мастакі свету», — распавёў Рыбін.

«Што тычыцца нонканфармізму — мы ніколі не былі нонканфармістамі.

Я маю на ўвазе той гурт «Кіно» таго перыяду, калі мы гралі з Алегам [барабаншчык Алег Валінскі нядаўна прызначаны кіраўніком Кастрычніцкай чыгункі ў Расіі, што аб'ядноўвае інфраструктуру Паўночнага захаду Расіі, у тым ліку Пецярбург і Маскву — НН] і з Віктарам.

Ды і потым таксама, бо мы займаліся музыкай, уласна, і ўсё», — падкрэсліў Рыбін.

Варта зазначыць, што песня «Перамен» Віктара Цоя стала таксама адным з сімвалаў пратэсту падчас маўклівых акцый у Мінску ўлетку 2011 г.

А вось выкананне «Перамен» у Мінску, у Палацы Рэспублікі, 16 кастрычніка 2014 г.

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзеру