Алан Юстас пабіў рэкорд Баўмгартнера, AP
Адзін з кіраўнікоў кампаніі Google Алан Юстас здзейсніў скачок з вышыні ў 41 000 метраў, дзе пралягае верхняя мяжа стратасферы, пабіўшы рэкорд аўстрыйца Фелікса Баўмгартнера.
57-гадовы Юстас, які займае ў Google пасаду старшага віцэ-прэзідэнта па пытаннях ведаў падняўся ў адмысловым аэрастаце і скафандры ў верхнія слаі атмасферы над Росвелам (штат Нью-Мексіка) за две з паловай гадзіны, правёў там каля паўгадзіны, пасля чаго скокнуў уніз.
Праз 90 секунд свабоднага падзення ён перавысіў хуткасць гуку, паведамляе сайт аэранаўта.
Каля пяці хвілін Юстас знаходзіўся ў свабодным палёце, пасля чаго раскрыў парашут і мякка спусціўся на зямлю.
Папярэдні рэкорд такога роду быў усталяваны Феліксам Баўмгартнерам у 2012 годзе, ён скакаў з вышыні 38 969 метраў.
Скачок быў часткай праекта карпарацый Paragon Space Development, які мае сваёй мэтай вывучэнне стратасферы на ўзроўні вышэй за 30 тыс. метраў.
Юстас, які з'яўляецца таксама пілотам і парашутыстам, планаваў гэты скачок на працягу некалькіх гадоў.
Юстас падняўся ў стратасферу на спецыяльным аэрастаце, AP
На ім (на фота справа) быў спецыяльны скафандр, AP
Па словах карэспандэнта Бі-бі-сі ў Лос-Анджэлесе Дэвіда Уіліса, Юстас рэалізаваў свой праект без дапамогі спонсараў і са значна меншай помпай, чым гэта зроблена Баўмгартнерам, чый скачок два гады трансляваўся ў інтэрнэце.
