2 лістапада ў Мінску адбылося традыцыйнае шэсце ў Курапаты і мітынг, прысвечаныя Дню памяці продкаў. Акцыю арганізавала Кансерватыўна-Хрысціянская партыя БНФ. У ёй удзельнічалі прадстаўнікі ўсёй грамадзянскай супольнасці. Беларускі Хельсінскі Камітэт ацэньвае колькасць удзельнікаў шэсця ў 400 чалавек.
Фота Ірыны Арахоўскай.
Фота Насты Храловіч.
Васільевы і Яроменкі з дзецьмі. Фота Ірыны Арахоўскай.
Арына Яроменак, дачка Уладзіміра Яроменка (былога палітвязня). Фота Ірыны Арахоўскай.
Фота Насты Храловіч.
Фота Насты Храловіч.
Фота Ірыны Арахоўскай.
Фота Ірыны Арахоўскай.
Фота Ірыны Арахоўскай.
Фота Ірыны Арахоўскай.
Фота Ірыны Арахоўскай.
Людзі ў цывільным скончылі свой працоўны дзень.
«Хаджу на шэсце, бо мне важна бачыць, што мы не адны, што памяць застаецца, што мы беларусы. Раней я сам хадзіў, а цяпер ужо з сынам хаджу», — кажа ўсмешлівы малады мужчына, які прыйшоў з сынам гадоў шасці ў акулярах.
Валя і Уладзь Яроменкі таксама прыйшлі на шэсце са сваёй маленькай дачкой Арынай. «Мы хочам, каб яна прывучалася да шэсцяў, да сцягоў, да нацыянальных колераў. Каб яна мела памяць пра нашых продкаў», — кажа Валя.
«Пераемнасць пакаленняў, памяць, гісторыя, мова — гэта рэчы, на якіх трымаецца нацыя. І калі нашы суседзі, наш братні народ перажывае такі цяжкі час — гэта адзнака салідарнасьці, тое, што тут згадваюць Украіну. Вялікая частка ўдзельнікаў — моладзь. Гэта паказвае, што Беларусь жыве», — сказаў нам Павел Севярынец, лідар Беларускай Хрысціянскай Дэмакратыі, які таксама ўдзельнічаў ў шэсці.
