У Полацкім раёне пенсіянерка абараніла сваю маёмасць перад рабаўніком, паведамілі ва УУС Віцебскага аблвыканкама.
70-гадовая жыхарка вёскі Дуброўка звярнулася ў Полацкі РАУС і заявіла, што ўвечары ў хату праз незачыненыя дзверы зайшоў невядомы ў масцы і, пагражаючы нажом, патрабаваў грошы. Але пенсіянерка не разгубілася і адмовілася выконваць патрабаванні нападнікам. У выніку той, нічога не выкраўшы, быў вымушаны збегчы.
Устаноўлена, што злачынства здзейсніў раней судзімы за прычыненне цяжкага цялеснага пашкоджання жыхар вёскі Жарнасек, ён затрыманы.
0
0
0
0
0
0