Камета 67P/Чурумава-Герасіменкі знятая з зонда Rosetta. Фота Еўрапейскага касмічнага агенцтва. 

Сёння модуль Philae аддзяліўся ад касмічнага зонда Rosetta і мусіць сесці на паверхню каметы 67P/Чурумава-Герасіменкі.

Philae аддзяліўся ад Rosetta у 11:35. Аперацыя па пасадцы апарата зойме каля сямі гадзін. За падзеяй можна сачыць у прамым эфіры.

Плануецца, што першы сігнал ад модуля Philae будзе перададзены на зямлю а 14-й гадзіне.

Місія Rosetta Еўрапейскага касмічнага агенцтва — першая ў гісторыі аперацыя па пасадцы на паверхню каметы. Rosetta была запушчана ў космас 2 сакавіка 2004 года. Праз 10 гадоў яна здолела выйсці на арбіту каметы 67P/Чурумава-Герасіменкі, якая цяпер знаходзіцца паміж арбітамі Марса і Юпіцера.

За дзесяць гадоў місіі Rosetta пераадолела 6,5 мільярда кіламетраў шляху. У выпадку паспяховай пасадкі, астраномы спадзяюцца атрымаць звесткі, якія дапамогуць зразумець, як выглядала Сонечная сістэма да фарміравання планет, бо каметы — самыя старажытныя аб'екты сонечнай сістэмы.

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзеру