Фота guim.co.uk.

Амерыканскія журналісты абурыліся тым, што вучоны Мэт Тэйлар прыйшоў на прэзентацыю ў кашулі з голымі жанчынамі.

«Мне пляваць, што вы пасадзілі касмічны апарат на камету, ваша кашуля сексісцкая», — пад такім загалоўкам выйшаў артыкул на The Verge.

На іх думку, гэта прыніжае жанчын і закрывае ім шлях у навуку.

«Яны бачаць такога хлопца на ТБ і думаюць, што ім там не радыя. Яны бачаць плакаты з абмазанымі алеем жанчынамі ў офісах таварышаў па службе і ведаюць, што іх там не паважаюць… З такой атмасферай сутыкаюцца кожны дзень жанчыны, якія мараць працаваць у NASA або ESA», — працягвае выданне.

У выніку кашулю Тэйлара сталі бурна абмяркоўваць у сацсетках, меркаванні падзяліліся.

Адны палічылі, што не мае значэння, у што апрануты вучоны, які спрыяў гістарычнай касмічнай падзеі. Іншыя ж далучыліся да меркавання журналістаў, пагадзіўшыся, што Тэйлара павінны былі пераапрануць.

Сам жа Мэт Тэйлар пазней расказаў, што кашуля каштоўная для яго як памяць.

Фота twitter.com/mggtTaylor.

«Мая кашуля — падарунак на дзень нараджэння ад дзяўчыны Элі Прызман», — напісаў вучоны ў Твітары. Аказалася, што скандальны ўбор яго сяброўка пашыла сваімі рукамі.

Лабараторны модуль «Філы» (Philae) паспяхова сеў на паверхню каметы 67P / Чурумава — Герасіменка. Гэта гістарычная падзея, бо адбылася такая пасадка ўпершыню. Тэм Тэйлар прымаў удзел у рэалізацыі гэтага праекта.

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзеру