На мінулым тыдні ў сталіцы праходзіла 13-я цырымонія ўзнагароджання пераможцаў конкурсу тавараў і паслуг «Выбар года 2014» у Беларусі.
Медалі за якасць і папулярнасць атрымалі больш за 70 гандлёвых марак і брэндаў, прадстаўленых на рынку.
Міжнародны фестываль-конкурс «Выбар года» ў Беларусі пачаў сваю дзейнасць у 2002. Гэта агульнанацыянальны штогадовы праект, які займаецца вызначэннем і далейшай папулярызацыяй найбольш якасных і вядомых тавараў і паслуг у розных таварных катэгорыях на беларускім рынку.
Праект ініцыяваны кампаніяй Fеstivals International (ЗША) і Еўрапейскім фондам сацыяльных даследаванняў (Брусэль, Бельгія) пры падтрымцы Еўрапейскай Гандлёвай Палаты.
Удзельнікі конкурсу атрымліваюць доказ якасці сваёй прадукцыі на аснове меркаванняў і ацэнак спажыўцоў. Спажывец атрымлівае гарантыю якасці таго ці іншага прадукту.
Сёлета конкурс праводзіўся ў некалькі этапаў, а сярод перможцаў маюцца як неаднаразовыя прызёры мінулых гадоў, так і новыя брэнды.
З поўным спісам медалістаў можна азнаёміцца на афіцыйнай старонцы прэміі.
