Пінскім міжраённым аддзелам Следчага камітэта распачата справа на падставе ч. 1 арт. 339 КК (хуліганства) у дачыненні да 22-гадовага жыхара Пінска, які нідзе не працуе. 

Як паведаміла афіцыйны прадстаўнік упраўлення Следчага камітэта па Брэсцкай вобласці Марына Дранькова, вечарам 27 лістапада ў Пінску малады чалавек пасля распівання спіртных напояў страляў з пнеўматычнага пісталета ў бок вокнаў інтэрната навучальнай установы. У выніку супрацьпраўных дзеянняў былі пашкоджаныя чатыры шклопакеты на некалькіх паверхах інтэрната. 

Паводле слоў мужчыны, пісталет ён набыў у Расіі, дзе быў на заробках. Страляў з кватэры жылога дома, куды прыйшоў з сябрамі. Інтэрнат знаходзіцца насупраць гэтага дома. 

Як растлумачыў грамадзянін, ён не думаў пра магчымыя наступствы і палічыў, што дроб не даляціць да вокнаў. 

Пнеўматычны пісталет у яго канфіскаваны. 

Санкцыя ч. 1 арт. 339 Крымінальнага кодэкса прадугледжвае пакаранне ў выглядзе грамадскіх работ, альбо штрафу, альбо папраўчых работ на тэрмін да двух гадоў, альбо арышту на тэрмін да шасці месяцаў, альбо пазбаўлення волі на тэрмін да трох гадоў.

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзеру