На сайце Дзяржаўнага мытнага камітэта Беларусі з'явілася заява наконт «увядзення мытнага кантролю» на мяжы Беларусі і Расіі.
«Размешчаная ў расійскіх СМІ, пра «аднаўленне мытнага кантролю на мяжы з Расійскай Федэрацыяй» не адпавядае рэчаіснасці, гаворыцца ў звароце да СМІ.
Мытныя органы Рэспублікі Беларусь выконваюць задачы, звязаныя з забеспячэннем захавання мытнай працэдуры мытнага транзіту тавараў, якія ідуць праз тэрыторыю Рэспублікі Беларусь, у строгай адпаведнасці з мытным заканадаўствам Мытнага саюза і заканадаўствам Рэспублікі Беларусь аб мытным рэгуляванні.
Дзяржаўным мытным камітэтам Рэспублікі Беларусь сумесна з Федэральнай мытнай службай Расійскай Федэрацыі выпрацаваны падыходы, якія прымяняюцца пры мытным адміністраванні тавараў, забароненых да ўвозу ў Расійскую Федэрацыю, пры іх перамяшчэнні праз беларускі ўчастак граніцы Мытнага саюза.
У выніку правядзення планавых кантрольных мерапрыемстваў мытнымі органамі Рэспублікі Беларусь ва ўзаемадзеянні з іншымі праваахоўнымі і кантралюючымі органамі была зафіксавана невялікая колькасць спробаў ўвозу на тэрыторыю Расійскай Федэрацыі тавараў санкцыйнай групы.
Разам з тым, мытныя органы ў адпаведнасці з кампетэнцыяй ажыццяўляюць мытны кантроль як на знешнім участку мяжы Рэспублікі Беларусь, так і на астатняй яе тэрыторыі.
Перасоўнымі аператыўнымі групамі ва ўзаемадзеянні з іншымі кантрольнымі органамі праводзіцца маніторынг транспартных сродкаў, якія ідуць з Расійскай Федэрацыі ў Рэспубліку Беларусь. У выніку такога маніторынгу неаднаразова выяўляліся выпадкі поўнай адсутнасці ў перавозчыкаў дакументаў у адносінах да перамяшчаемых тавараў, а таксама парушэнні правілаў ветэрынарных, фітасанітарных і іншых патрабаванняў.
Тавары, у дачыненні да якіх у адпаведнасці з заканадаўствам дакументы аформленыя належным чынам, перамяшчаюцца па тэрыторыі Рэспублікі Беларусь бесперашкодна, гаворыцца ў заяве.
