Прэміі атрымалі:
Алесь Бяляцкі за кнігу «Іртутнае срэбра жыцця», у якой ён перадае лісты з разважаннямі пра тое, што было звыклым для праваабаронцы да зняволення. Кніга напісаная на аснове сапраўдных лістоў, што пісаў Бяляцкі з калоніі ў 2012-2013 гадах, куды трапіў па абвінавачанні ў нясплаце падаткаў.
Зміцер Дашкевіч за зборнік апавяданняў «Чарвяк», дзе распавядае пра жыццё ў калоніях, дзе Дашкевіч адбываў пакаранне. Большая частка тэкстаў напісаная з 2011 па 2013 гады, калі Дашкевіч адбываў пакаранне за «асабліва злоснае хуліганства», а пасля — за «злоснае непадпарадкаванне патрабаванням адміністрацыі папраўчай установы».
Фелікс Пекер за раман «Десять лет и один день Игоря Савченко», у якім распавядае пра чалавека, які адбывае ў неназванай краіне пакаранне за забойства дамагаецца перагляду справы, якую на яго «павесілі». Кніга пісалася паўтара гады ў СІЗА і калоніі: былы кіраўнік вінзаводу BST Ltd прасядзеў у Расіі і Беларусі 4 гады па абвінавачанні ў крадзяжы шляхам злоўжывання службовымі паўнамоцтвамі.
Павел Севярынец за зборнік эсэ «Беларуская глыбіня», якімі палітык дзяліўся пасля пяці месяцаў у СІЗА КДБ, падчас прыбывання ў Куплінскай спецкамендатуры №7 за «арганізацыю і падрыхтоўку дзеянняў, якія груба парушаюць грамадскі парадак».
Аляксандр Фядута за аповесць «Мой маленький Париж», у якой аўтар прыгадвае Гродна часоў свайго дзяцінства і маладосці, гарадской будзённасці 60-80-х гадоў. Часткі кнігі Фядута напісаў у следчым ізалятары КДБ – яму былі прад’яўленыя спачатку абвінавачанні па справе аб «масавых беспарадках» падчас прэзідэнскіх выбараў 2010 года.
Ірына Халіп за кнігу «Дзённік зэчкі», якая намінавалася на прэмію Аляхновіча яшчэ ў 2013 годзе ў выглядзе рукапісу. У кнізе Халіп распавядае аб сваім знаходжанні ў турме КДБ і хатнім арышце пасля прэзідэнцкіх выбараў 2010 года.
Ганаровыя дыпломы таксама атрымалі Аляксандр Буд-Гусаім і Наста Азарка.
На цырымоніі таксама адбылася прэзентацыя альбому турэмнага шансону ў выкананні Змітра Вайцюшкевіча.
Лаўрэатамі прэміі ў мінулым годзе сталі Анатоль Лябедзька, Алесь Бяляцкі, Юры Бандажэўскі, Павел Севярынец і Алесь Кіркевіч. Галоўная ўзнагарода дасталася Ігару Аліневічу.
***
Францішак Аляхновіч — аўтар кнігі «У капцюрох ГПУ» (1937), першага ў свеце твору, які апісвае жыццё ў сталінскім канцэнтрацыйным лагеры з погляду арыштанта.
