Будучы фільм «Southside With You» рэжысёра Рычарда Тана распавядзе, як пачыналася гісторыя іх кахання.
Карціна перанясе гледача ў 1989 год, калі Барак Абама быў студэнтам Гарварда, а Мішэль — супрацоўніцай юрыдычнай фірмы.
Дарэчы, гісторыю знаёмства з будучай жонкай Барак Абама распавёў у адным з перадвыбарчых інтэрв'ю ў 2012 годзе.
Мішэль вельмі доўга не хацела нават ісці на спатканне з Баракам, але праз некалькі месяцаў настойлівых заляцанняў здалася — і пагадзілася на спатканне. Яны адправіліся ў кіно на драму Спайка Лі «Рабі як трэба!» («Do the Right Thing»).
Пажаніліся Барак і Мішэль ў 1992 годзе.
Здымкі фільма пачнуцца ў ліпені наступнага года ў Чыкага.
