Паўночнакарэйскі школьнік за камп'ютэрам. Фота aljazeera.com

Праблемы з інтэрнэтам у КНДР пачаліся па некаторых звестках 19-20 снежня.

Дзіўное супадзенне, адзначае The New York Times: якраз неўзабаве пасля заявы Барака Абамы аб «сіметрычным адказе» на «кібервандалізм» супраць Sony Pictures.

Па іншых звестах, пачатак перабояў з інтэрнэтам прыйшоўся на 16 снежня. На 23 снежня доступ да інтэрнэту пачынае паволі вяртацца ў КНДР.

Эксперты, якія падчас атакі на Sony разважалі аб тым, як адрэзаць КНДР ад інтэрнэту з дапамогай Кітая (большасць трафіку КНДР ідзе праз кітайскага правайдэра China Unicom), адмовіліся каментаваць The New York Times здарэнне.

«Думаю, усялякае здараецца», – сказаў адзін з экспертаў у кароткай тэлефоннай размове.

Прычыну «блэкаўта» Сеткі ў КНДР пакуль не вызначаныя.

Эксперты лічаць, што для яго магло быць мноства прычын. Адны называюць прычынай мэтанакіраваную атаку, іншыя – адключэнне кітайскім правайдэрам, трэція – унутраныя праблемы КНДР. Некаторыя нават мяркуюць, што сама КНДР магла «адключыцца», каб падрыхтавацца да наступных атак на ЗША.

У Паўночнай Карэі ўсяго 1024 афіцыйныя IP-адрасы. Паўночную Карэю нярэдка называюць самай закрытай краінай свету. Доступ у інтэрнэт мае толькі шэраг арганізацый і партыйных дзеячоў.

У краіне дзейнічае інтранэт («унутраны інтэрнэт») «Кванмён», доступ у які дазволены «простым смяротным». Акрамя мясцовай прапаганды ды навінаў там прысутнічаюць выгружаныя з інтэрнэту старонкі, якія адпавядаюць нацыянальнай ідэалогіі Чучхе.

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзеру