Праект рэспубліканскага бюджэту на 2015 год сфарміраваны з улікам павелічэння базавай велічыні з Br150 тыс. да Br180 тыс.
Аб гэтым БелТА паведамілі ў Міністэрстве фінансаў.
Такое павышэнне дасць магчымасць прывесці сацыяльныя выплаты з бюджэту, што залежаць ад базавай велічыні, у адпаведнасць з рэальным узроўнем цэн.
«Павелічэнне базавай велічыні паўплывае на вызначэнне памеру аднаразовых дапамог педагагічным, медыцынскім і фармацэўтычным работнікам, работнікам культуры і мастацтва, спецыялістам сельскай і жыллёва-камунальнай гаспадаркі, работнікам сістэмы спажывецкай кааперацыі пры прыбыцці на работу ў раёны, якія зведалі радыеактыўнае забруджванне ў выніку аварыі на Чарнобыльскай АЭС», - адзначылі ў Мінфіне.
Акрамя таго, ад базавай велічыні залежыць памер грашовай дапамогі на аздараўленне асобным катэгорыям грамадзян, штомесячных грашовых выплат грамадзянам, маючым ганаровыя званні «народны», прэмій і стыпендый прэзідэнта, дапамог, стыпендый і матэрыяльнай дапамогі беспрацоўным, кампенсавання расходаў іншагароднім студэнтам па найме жылля, мінімальных ставак аўтарскай узнагароды, аднаразовай узнагароды работнікам арганізацый, якія спускаюцца пад ваду для выканання службовых абавязкаў, і іншых выплат.
