на фота — што засталося ад Данецкага аэрапорта
Без жадання людзей у Крыме і на Данбасе жыць у адзінай краіне, аднавіць там украінскую ўладу будзе немагчыма.
Пра гэта ў эфіры Радыё Свабода заявіў намеснік кіраўніка адміністрацыі прэзідэнта Украіны Валерый Чалы.
«Калі казаць шчыра, то без жадання людзей і ў Крыме і на Данбасе жыць у адзінай краіне, падзяляць адзіныя каштоўнасці і падзяляць адказнасць нічога не будзе», — адзначыў Чалы.
Паводле яго слоў, у новым годзе Кіеў працягне барацьбу за тэрытарыяльную цэласнасць і суверэнітэт краіны, адстойваючы сваю пазіцыю, у тым ліку і ў міжнародных судах.
«Тое, што мы пазмагаемся за суверэнітэт і тэрытарыяльную цэласнасць, - гэта відавочна. Тое, што, на жаль, не вырашыцца адразу пытанне Крыма — гэта таксама відавочна.
Але гэты год будзе вельмі сур'ёзным з пункту гледжання барацьбы ў міжнародных судах за фіксацыю пазіцый.
І відавочна, што шлях па Крыме — гэта паказаць прывабнасць развіцця ўжо ў новых умовах інтэграцыі з ЕС, а шлях па Данбасе — гэта штодзённая праца, каб гэтую сітуацыю ўзяць пад кантроль», — сказаў Чалы.
Ён запэўнівае, што дзяржава не пакіне грамадзян Украіны без дапамогі на акупаванай тэрыторыі. Чалы нагадаў, што Украіна ўжо накіравала на Данбас гуманітарныя грузы.
