Мадона выбачылася за выкарыстанне фотаздымкаў Нэльсана Мандэлы і Марціна Лютэра Кінга.
Калажы на вокладку новага альбома Мадоны: Нэльсан Мандэла, Мадонна, Марцін Лютар Кінг
Разгарэўся скандал вакол вокладкі новага альбома поп-спявачкі.
«Выбачаюся. Я не параўноўваю сябе з гэтымі людзьмі. Гэта не злачынства, абраза або расізм!», — напісала Мадона ў сваім Facebook.
Арыгінальная вокладка новага альбома Мадоны «Rebel Heart»
Выбачацца прыйшлося пасля таго, як у Instagram спявачкі з'явіліся фатаграфіі Нэльсана Мандэлы і Марціна Лютэра Кінга, стылізаваныя пад вокладку новага альбома Мадоны «Rebel Heart».
Калажы на вокладку новага альбома Мадоны
На арыгінальным здымку спявачка абматаная дротам; вокладка была апублікаваная ў сацыяльных сетках разам з шасцю першымі трэкамі з альбома, і фанаты каралевы поп-музыкі пачалі рабіць калажы, выкарыстоўваючы фатаграфіі вядомых асобаў.
І калі Мэрылін Манро і Майкл Джэксан з дротам на твары не выклікалі адмоўных эмоцый, то фатаграфіі Нэльсана Мандэлы і Марціна Лютэра Кінга некаторымі былі ўспрынятыя як праява непавагі і нават расізму.