Брытанскае выданне часопіса «Cosmopolitan» у лютым шакуе вокладкай.
Замест чарговай сэксуальнай мадэлі або актрысы на вокладцы можна ўбачыць спалоханы твар дзяўчыны, якая задыхаецца.
На выданні ніякай рэкламы, апроч інфармацыі: «Шафілія была задушана ўласнымі бацькамі ў прысутнасці дзяцей. Памятаеце пра брытанскіх дзяўчынак, якія згубілі свае жыцці ў выніку «забойства гонару». Дапамажыце нам спыніць маўчанне».
Вокладка зроблена ў памяць аб трагічным здарэнні, якое адбылося ў лістападзе 2003 года ў Вялікабрытаніі.
Бацькі забілі 17-гадовую Шафілію Ахмед, брытанку пакістанскага паходжання, за адмову ад шлюбу ў Пакістане з мужчынай, якога яна не ведала.
